Epiicha ezia ooza okuwona ano zilagana kuwuene kiomo Awasuba awa kale nawuno okutuuka ku awa amiire gano waamenya, alala ne ewintu ewia waakolanga. Ewintu wino ni kiomo, amaato ewia waakola nawio mu okuvuwa envwa, amayumba, ewintu ewia waatemanga nawio, amaseero ewia awakulu waiwoyanga nawio alala ne ewintu windi ewingi ewialagananga enkola ezia Awasuba. Lwona ooza okuwona epiicha ezilagana engira enyingi ezigauke-gauke ezia okuwunguka, kiomo amaato ne efeeri. Ewindi ne emirimo egia Awasuba waakolanga kandi egia wakiakola namba reero egia okutukira amasendi, kiomo ivuwa, amaara, irima no owufugi. Awasuba woona wari ne emiwaayo egigauke-gauke egigera ni wasangaala kandi ni waizogana alala, kiomo amazina, okudiewana okwa amaato, enyembo, okukuba omupiira. oluko ne egindi emingi.
